Телым черланаш огыл манын, лудшына-влак мом ыштат?
Любовь Михайлова, Татарстан кундем:
– Черланаш огыл манын, олмам, мандариным, кивим да моло фруктым кочкам, кажне кастене эм шудо, мӱй да перга але шуанвондо, имбирь да лимон дене чайым йӱам. Тыгак яндар южышто утларак кошташ тыршем. Кунам поро сомыл, сай шонымаш шуко, черланаш жап уке. Шкем аралыме шот дене кидым чӱчкыдын мушкам. А чер пижашак тӧча гын, нерым да логарым «теҥыз вӱд» (йод, шинчал, содо) дене шӱалтем.
