Антинаркотический десант почеш эртаралтше мероприятий-влак кышкарыште тӱрлӧ аланыште пашам ыштыше профессионал-влак У Торъял посёлкышто лийыныт.
Тусо школышто тунемше ӱдыр-рвезе-шамычлан Республикысе наркологический диспансерын пашаеҥже да волонтёр-медик-шамыч «Твой выбор» квестым эртареныт. Росмолодёжь. Гранты программын координаторжо Надежда Мурзина педагог-влакым социальный проектым возаш туныктен. Психолог Любовь Кислякова тунемше-шамычлан тренингым эртарен. А квестыште ӱдыр ден эрге-шамычлан вуйушым аҥыртарыше вещества-влакым темлымылан «огым» манын вашешташ туныктеныт.
«Дворец молодежи. Республика Марий Эл» ВК-се тӱшка гыч налме фото.