Ялыште эрдене 30 градус наре йӱштӧ ыле гынат, кечывал лишкылан тудо лушкыш, юж 15 градус марте ырыш. Игече лывыргымым шижын, уремыште ончыч ик-кок еҥ койылалташ тӱҥале, варарак кумытым-нылытымат ужаш лие. Икте кожла могырыш ече дене тарванен, кум кувавай влак кевыт могырыш ошкылыныт. Мыжерым чиен, йошкар потам ӱшталше ковыра кок вате таве деке вӱдварашке ведыра-влакым сакалтен вӱдлан тольыч. Ял покшелне , газосиликат блок дене у пӧртым чоҥышо пӧръеҥ-влак уремыште оҥа-шамычым тарватылаш тӱҥальыч. Ялын, Эрик лӱман уста гармонистше да тудак тӱвыра пӧртын вуйлатышыже, пелашыжлан вольык сомылым ышташ полшен. Тудо вольыклан кугу комдо дене шудым конден , чыве-лудым пукшен, пӧртышкӧ ик нумалтыш пум пуртен, гармоньжым налын клуб могырыш ошкыльо. Таче тысе художественный самодеятельность коллективын репетицийжым палемдыме. Почешыже изи, сӧрал пийжат тарваныш. Ял илыш ылыже.
