СВО ветеран-влак «Герои Марий Эл. Талешке-влак» программын у этапышкыже кусненыт.
Программын кумшо модульжылан келшышын, ветеран-шамычлан тӱшка дене пашам ышаш тунемме мероприятий-влак, вуйлатыме паша мастарлыкым вияҥдыме лекций эртаралтыныт. Икмыняр мероприятий «Сосновый бор» санаторийыште лийын. Вес кечын участник-шамыч Советский районыш кусненыт. Нуным муниципальный образований-влак советын, верысе самоуправленийын пашашт дене палдареныт. Вара ветеран-влак кадет классыште тунемше ӱдыр-рвезе-шамычлан Патырлык урокым эртареныт.
Марий Элым Вуйлатышын пресс-службыжын фотожо.