Талешке кечым палемденна

26 апрельыште Морко район Шӱргыял школышто Марий талешке кечым пайремленна.

«Рвезе тукым» йоча ушемыште кажне отряд могай-гынат сомылым шукта. ИКН-ым туныктышо Е.В.Григорьева мыланна «26 апрель – Марий талешке кече» лӱман ончерым ямдылен. Чыла отряд тиде ончерыш толын. А «Ал парус» отряд Кораксола книгагудышко миен. Тудым вуйлатыше Т.А.Кириллова ончер нерген каласкален. Вара 8-ше классын отрядше икымше калык писатель Н.Лекайнын стелыже воктен шарнымаш сортам чӱктен. Нуным Кораксола книгагудым вуйлатыше Татьяна Ананьевна да ИКН-ым туныктышо Елена Валериановна тидлан кумылаҥденыт.

Ме шкенан талешкына-влак дене кугешнен илена.

Дмитрий Егоров, «Рвезе тукым» йоча ушемын дружине председательже.

Снимкыште: Марий талешке кечым пайремлыме годым.