Таче, 16 июль – Маке кече

Маке пеледыш дене ятыр легенде кылдалтын. Ир маке ондак сӧй кайыме, сарзе-влакын вӱрышт йогымо пасушто шочеш, маныт. Кресаньык-влак йочаштлан тыгай пасулаште куржталаш чареныт.

Корныеҥын маке пасу тӱрыштӧ мален колтымыжат сай огыл палылан шотлалтын. Пуйто маке-влак чонжым налын кертыт.

Туге гынат маке нӧшмӧ пиалым конда да осал деч арала манын ӱшаненыт. Маке нӧшмым ӱдыр-качылан йолчиемышкышт осал вий деч аралаш оптеныт. Легенде почеш, иян, катасе кажне маке пырчым шотлен пытарымешкыже, ны локтымо пижын, ны шинча возын ок керт.

  • Маке вуйым Мӱй спаслан черкыште освятитлаш гын, тудо идалык мучкылан сай аралтыш лиеш.
  • Ты кечын шыҥа да ӱвыра тӱшкан чоҥештылыт – сай, ояр игечылан.
  • Эҥыремыш эҥыремышвотым куаш тӱҥалеш – кече ояр лиеш.
  • Ты кечын кугу пашалан пижман огыл.
  • Нимогай сделкым ыштыман огыл – оксам йомдараш лиеш.
  • Пӧртым чоҥаш тӱҥалман огыл – тушто пиал ок лий.
  • Таче каче ӱдыржылан шергашым чиктышаш огыл – самырык ешлан пиалым ок сӧрӧ.