Йошкар-Олаште самырык-влакын усталык лектышыштым кушто ужаш лиеш?
30 апрельыште «Башня» Тӱвыра ончер рӱдерыш 5 шагатлан кастене толза. Тудо Благовещенский башне кӧргыштӧ верлана.
Тӱвыра ончер рӱдер Марий Элыште шкешотан, манаш лиеш. Республикынан илышыжым тӱрлӧ шӧрын гоч почын пуаш уста самырык-влакым шке йырже чумыра. Тыште марий да вес калык-влакын тӱвыра ден йӱлаштым почын пуа.
Рӱдерым чумырымаште кугу надырым самырык фотосӱретче, сӱретче , дизайнер , скульптор, режиссёр , актер, музыкант-влак пыштеныт. Нуно марий кундемнан ойыртемалтше тӱсшым моло верла гыч толшо еҥ-влаклан ончыкташ тыршат.
Кызытл «Башня» рӱдерыште «Мариэлец» интерактивный ончерым ончаш лиеш.
Ты проектын организаторжылан Т.Евсеев лӱмеш Марий Эл Республикын Национальный тоштержым шотлыман.
Валентина Семёнова.