Теве тӱрлӧ тӱсан кеҥежат толын шуо – эн чевер да волгыдо пагыт. Тиде кеҥежым Йошкар-Оласе 70-ше номеран «Ягодка» йочасад дежурный группо семын пашам ышта. Шуко йоча мӧҥгыштӧ кодыныт. Ньога-влак туныктышышт дене пырля «Тӱрлӧ тӱсан кидкопа» акцийым эртареныт. Ме мӧҥгыштӧ шинчыше йолташна-влаклан саламым колтена.
Изи йолташна-влак уло кумылын тиде акцийыш ушненыт, шке кидкопаштым сӱретленыт да тӱрлӧ чевер кеҥеж тӱс дене чиялтеныт. А кугурак йоча-влак шке йолташыштлан изирак тыланымашым возеныт. Нунын деч посна пеш йокрок. Калейдоскопышто поро, шокшо да сай гына тыланымаш ила. Икшыве-влак тазалыкым, тыныслыкым, пиалым, шокшо кечан кумылым, шуко тамле кочкышым, пеҥгыдылыкым да тазалыкым тыланат.
Надежда ЕЛОВА, воспитатель.
