Татарстан Республикысе Кукмарий район Уял кыдалаш школын туныктышыжо да тунемшыже-шамыч «Салтаклан полшо» акцийыш ушненыт.
Нуно салтак-влаклан серышым возеныт да тӱрлӧ пӧлекым ямдыленыт. Тыгак Агрыз районысо Буймо селаште тӱвыра да образований аланыште тыршыше, верысе чолга еҥ-шамыч СВО участник-влак дене вашлиймашым эртареныт. Палемдыман, тысе марий-влак специальный военный операцийыште участвоватлыше-влаклан тӱрлӧ семын полшаш тыршат. Гуманитарный полышым погат, концерт дене ыштен налме оксан ужашыжым салтак-шамычлан тӱрлӧ сатум наледаш ойырат.