Тӱнямбалысе у рекорд

Фотом cdn-st3.rtr-vesti.ru сайт гыч налме.

Йошкар-Олан кечыжым пайремлыме годым верысе повар-влак 857 килограмм нелытан да 178 сантиметр кумдыкан марбургерым ыштеныт.

Тиде кочкышым кӱэшташ Марий Элысе ялозанлык министерстве полшен. Марбургерым верысе продукций дене ыштыме: шыл котлет, ошпоҥго гыч ыштыме соус. Булочкым 5 м² кугытан коҥгаште кӱктен луктыныт.

Марбургерым кӱэшташ ресторатор Иван Антропов кумылаҥден.

Тӱнямбалсе «Достояние нации» рекорд реестрын тӱҥ редакторжо Маргарита Железнова Йошкар-Оласе кочкыш рекордым возен коден.