Юрино посёлкысо Шереметев замокын проектше-влак «Диво Мира» тӱнямбал туристический кинофестивальын икымше йыжыҥжын призёржо улыт.
Кинофестиваль февраль мучаште Дубайыште эртаралтын. Тушто Россий, Беларусь, Иран, Катар, Китай, Мексика, ОАЭ, Турций да Узбекистан гыч участник-влак лийыныт. Конкурсыш пурышо паша-влакым 13 номинацийыште палемденыт. Шереметев замокын проектше-влак «Культурно-познавательный туризм» (кокымшо вер) да «Короткометражные фильмы» (кумшо вер) номинацийыште ойыртемалтыныт.