Вес семынже тиде ерым Кипарис ер маныт. Тудо Краснодар кундемысе Сукко посёлко деч
2 меҥге тораште верланен. Адыгей йылме гыч кусараш гын, «сукко» ирсӧсна-влакын йӱаш толмо верышт манмым ончыкта.
1934-1935 ийлаште учёный-влак эксперимент семын ты ерыш 30 куп кипарисым шынденыт. Нуно вожым колтеныт, тырленыт. Тымарте кипарис-влак лач Йӱдвел Америкысе тропикыште гына кушкыныт.
Кызыт ерыште 32 кипарис уло. Нунын кӱкшытышт – 30 метр. Кипарисын лышташыже-влак южыш айдемын коваштыж ден шодыжлан пайдале вещества-влакым луктыт.