Январь гыч ЖКХ услугылан тӱлымӧ шотышто субсидийым оформитлыме радам вашталтеш. Ынде субсидийым должник-влакат налын кертыт. Тидын нерген Марий Эл Республикысе прокуратур умылтара.
Квартплатылан парымым судын пунчалже почеш кӱрын лукмо да парым судебный акт дене пеҥгыдемдалтын гын, тыгай еҥлан субсидийым огыт тӱлӧ.
Эше ик вашталтыш – субсидийым оформитлаш шонышо-влаклан парым укем пеҥгыдемдыше документ-влакым погыман огыл. Кучем органыште тыгай информацийым кӱлеш вер гыч шке йодыт.
ЖКХ услугылан тӱлымӧ годым доходын 22 процент наре ужашыже кая гын, тыгай еш субсидийым оформитлен кертеш.
Ирина Александрова.