Ий еда январьыште Российысе МВД-н темлымыж почеш «Студент десант» акций эртаралтеш. 19 январьыште ты акцийыш Рӱдоласе бизнес колледжын студентше-влакат ушненыт. Нуно Марий Эл МВД пеленысе наркотикым шаркалымым тергыше управленийын пашаеҥже-шамыч дене вашлийыныт.
Вашлиймаш годым подростко-влакын законым пудыртымышт, алкоголь да наркотик дене варнымымышт нерген йодышым тарватеныт, таза илыш йӱлам кучаш таратыме сынан пашам виктарыме нерген каҥашеныт. Вашлиймаш годым «Гром» спецразделенийын боецше-влак кучедалме прием-влакм ончыктеныт, тӱрлӧ оружий да ты пашаште кучылталтше средства дене палдарыше ончерым погеныт. Тыгак студент-влак тӱрлӧ аяр веществам кычалмаште пий-шамычын мастарлыкыштым онченыт.
