Моркышто шукерте огыл Кугу Ачамланде сарыште сеҥымылан 78 ий темме вашеш строевой смотр лийын. Тыгак таҥасымаште мурымат йоҥгалтараш кӱлын. Коркатово лицейын 10 «В» кадет классыштыже тунемше-влак тиде смотрышто икымше верым налыныт. Кадет-влак икмыняр кече строевой смотрлан ямдылалтыныт. Строй дене кайыме годым икте-весым умылымаш, вуйлатышын (ОВС туныктышо Ю.Н.Романов) ойлымыжым шуктымаш сеҥымашке конден.
Тыгак Егор Ландышевымат (командир) палемдыман. Вет строй дене кайыме годым командирын икшыве-влакым наҥгаен моштымыжат пеш кӱлешан.
В.Смирнов.
Фотом школын архивше гыч налме.