Йошкар-Оласе экскурсовод-шамыч икымше полышым пуышо специалист дене вашлийыныт.
Ты мероприятийым Марий Элысе туризмым вияҥдыме агентстве Российысе предприниматель-влакын кечышт вашеш эртарен. Марий Эл Республикын сулло, Йошкар-Оласе аварийно-спасательный службын икымше классан утарышыже, инструктор А.В.Калинин профессионал моштымашыж дене пайлалтын.
Участник-шамыч экскурсий да туристический мероприятий годым иктаж-могай томаша лиймеке, полышым писын да чын пуаш тунемыныт. Тидыже каныше-влаклан кундемыштына жапым лӱдыкшыдымылыкын эртараш полшаш келыштаралтын.
Марий Элысе Туризм министерствын ВК-се тӱшкаж гыч налме фото.