СЕҤЫМАШЛАН – 80 ИЙ🎗
Тыгай памятникым 2020 ий 30 июньышто Тверь область Ржев районысо Хорошево ял деч тораште огыл почыныт.
Кугу Ачамланде сар годым 1942-1943 ийлаште Ржев воктене кугу кредалмаш-влак каеныт. 14 тылзе жапыште тушто 776 тӱжем утла совет салтак колен. Лачак нунылан тиде мемориал пӧлеклалтын.
Монументын авторжо-влак – скульптор А.С.Коробцов ден архитектор К.Е.Фомин. Памятник деке шкешотан вурс пластин-влак гыч ыштыме корно вӱда. Пластинылаште Ржев воктене колышо салтак-влакын возымо. 10 метр кӱкшытан искусственный чоҥгаште – 25 метр кӱкшытан совет салтакын фигуржо. Тудын плащ урвалтыштыже – 35 чоҥештыше турня. Поэт Расул Гамзатовын почеламутшо почеш, колышо салтак-влакын чонышт лачак турняш савырнат.
Памятникым ончет, да пуйто утарыше воин турня-влак дене пырля кавашке чоҥешта. Совет салтак ӱлыкӧ гранит плиташ онча. Тушто возымо: «Мы за Родину пали, но она спасена».