11 мартыште Марий Элым Вуйлатыше Юрий Зайцев Кугу Отечественный сарыште сеҥымылан 80 ий теммым пайремлыме мероприятий-влакым ямдылыме шотышто совещанийым эртарен.
Планыш 228 кугу событийым пуртымо. Нуным эртараш регионысо бюджет гыч 4 млн утла теҥгем колтат.
Тыгак Отечествым аралымылан пӧлеклалтше мемориал объект-влакым Йошкар-Олаште да Звенигово районышто чоҥымо да ачалыме йодышымат каҥашеныт. Ты сомыллан 23 млн утла теҥге колталтеш. Чылаже кандаш объектым уэмдыман да чоҥыман. 10 млн теҥгем Йошкар-Оласе Рӱдӧ каныме да тӱвыра паркым олмыкташ ойырат.
Кызыт 9 апрель гыч 9 май марте эртараш палемдыме Шарнымаш вахтылан ямдылалтыт. Кокымшо пелийыште «Шарнымаш сорта» акций, «Время твоих Побед!» патриотизм форум лийыт.
Тыгак марий РУВИКИ-ште лудаш темлена.