УФСИН-ын Марий Элысе управленийышкыже службым эрташ кум пийым конденыт - Тафим, Тинам, Тайфуным.
Нуно немыч овчарке улыт. У верыш шке личный делашт, паспортышт да моло документышт дене пырля толыныт. Нунылан кызыт – улыжат ныл тылзе. 3-шо ден 4-ше номеран колонийлаште службым эрташ тӱҥалыт. Тылеч ончычсо питомникыште лийымышт годым дрессировкым эртеныт, сандене службышто икымше опытышт уло.
Икмыняр тылзе стажировкым эртымеке, нуным ончыкылык специальностьышт почеш палемдат. Ушештарена, кызыт УФСИН-ын Марий Элысе управленийыштыже 70 пий пашам ышта.