Тиде шомакше мондалтын, но тудым марий-влак ожнысек ямдылат. Шырдан – вольык шолышко шинчалтыме шылым оптымо дене ыштыме колбаса.
Кӱлыт: 240 г пагар, 1 кг ушкал але 800 г сӧсна шыл (шорык шылат келша, тудыжо 900 г кӱлеш), 100 г шоган, 15 г чеснок, 110 г шӱльӧ шӱраш, 180-200 г вӱд, пурыс, лавр лышташ, шинчал.
Шылым 30-40 грамман ужашлан пӱчкедат. Тушко ончылгоч мушкын да коштен ямдылыме шӱльӧ шӱрашым пыштат, ужашла дене пӱчкедыме шоганым, чеснокым, тыгак пурысым, шинчалым, лавр лышташым да вӱдым ешарат. Тиде фаршым пагарышке оптат, пагарын тӱржым ушат да шӱртӧ дене ургат. Тидыже йыргешке кинде гай кояш тӱҥалеш. Ӱмбалжым шинчал дене йыгат да ӱйым шӱралтыме салмашке але таляка атышке оптат. Ты атым варажым петыртыш дене петыраш лийже. Шырданым духовкыш шындат да кок шагат наре кӱктат. Шылан кочкыш кӱмеке луктыт да изирак температурышко уэш шындат – вӱдыжгым кораҥдаш да кукшо лийже манын, тыге тудым коштат.