«Культура» нацпроект дене Советский посёлкышто верланыше А. С. Крупняков лӱмеш рӱдӧ книгагудым уэмден почыныт.
Тудо республикыште ынде шымше модельный книгагудо. Зданийым олмыкташ федеральный бюджет гыч 10 млн теҥгем ойыреныт, да муниципальный гыч – 2,8 млн теҥгем.
Тиде окса дене пластик окнам шынденыт, кӱварым, омсам, пырдыжым, тувырашым алмаштеныт.
Книга фонд тӱрлӧ справочник, мутер, энциклопедий да сылнымут литератур дене пойдаралтын.
Тыгак у арвер-влакым, технический средствым да молымат налыныт.
Книгагудо Советский районысо филиал-шамычын методический рӱдержылан шотлалтеш.
