Марий калыкын кечышотыштыжо 2026 ийым Шыҥшале идалык манын палемдыме.
Тушто ончыктымо почеш тиде тарванылме, пашам радамлын ыштыме, вучымо, умылаш тыршыме идалык лийшаш.
Тиде кечышот 32 цикллан да зороастрийский гороскоп негызеш ышталтын, маныт. Но туддеч изиш ойыртемалтеш. Тушто 2026 ийым Осёл идалык манын ончыктымо. Чытышым, вийым йодшо идалык лиеш, маныт. Тыгак тыныслыкын да ӱшанын символыштлан шотлалтеш.
Икымше пайремна – Шорыкйол. Тудо 29 декабрьыште тӱҥалын да 4 январьыште пыта. А православий йӱла почеш 6 гыч 7 йӱдым Роштом вашлийына.
Ты шотышто икмыняр палым тыланда радамлена.
- Рошто годым окнаш тӱкалтыше кайык куан уверым конда.
- Кугу пиаллан пӧртым оҥгыран, тул дене волгалтарыме венок дене сӧрастарыза, а родо-тукымлан пӧлекым кучыктыза.
- Роштолан пӧртыш ик ярым олымым пуртыза – тиде ласкалыкым да пиалым конда.
- Роштолан унала кайыза але лишыл еҥ-влакым шке суртышкыда ӱжса.
- Пайремлан суртышто 10 (але икмыняр лу) сорта йӱлышаш. Нуно ешлан шокшым да улан илышым сӧрат.
- Рошто йӱдым каваште икымше шӱдыр лекме деч вара гына сийым тамлаш тӱҥалман.
- Ӱстел коклаш шичме деч ончыч омсам почса. Тидлан кӧра илем гыч чыла удаже, осалже кая.
- А ӱстембалне кинде ден йошкар арака обязательно лийшаш улыт.
- Компотым, сокым, узварым (Рошто годымсо йӱыш), чайым але кофем йоҥылыш веленда гын, тидыже тендан тӱҥалме пашаланда сеҥымашым конда але кужун вучымо увер куандара.