Росстатлан да тудын йодыштмашыжлан ӱшанаш гын, Российыште 2023 ийыште кочкышлан ситарыдыме еш уке.
Эше 2020 ийыште элыштына илыше 0,2 процент еҥ эн шулдо кочкышым налын кертын огыл, 2021-2022 ийлаште – 0,1 процент. Ак кушкын, но эксперт-влак тидым социальный сферыште вашталтыш лийме дене умылтарат. Вет еш-влак илен лекташ кӱлмӧ минимумым огыт нал гын, ты цифр марте ешартыш оксам ойырат. Тыгак специалист ситыдымылан кӧра икмыняр отрасльыште пашадар кугемын. Росстат палемда: 2023 ийыште йорлын илыше-влак 64 кг шылым кочкыныт, а поян-шамыч – 117,5 кг шылым. Минздрав идалыкыште 73 кг шылым кочкаш темла.
Фото: freepik сайт гыч налме.