2025 ийыште Марий Элысе озанлык-влак 2024 ий дене таҥастарымаште 0,7 гектарлан утларак кумдыкыш тӱрлӧ кушкылым ӱдаш палемденыт. Тыге 313,4 гектар пасум авалтат. Шурнан-отызан культурым 138,5 тӱжем гектарыште вераҥдышаш улыт.
Кундемыштына икияш кушкылын шапашыже пале: 24,7 тӱжем тонн кӱлеш гын, 25,2 тӱжем тонн уло. Кызыт кукурузо ден рапсым шупшыктат. Сортым вашталтыме да уэмдыме шот дене 850 тонн урлыкым налме, тышеч 450 тоннжо – кӱкшӧ репродукциян.
Тыгак шошо агам эртарен колташ 7,8 тӱжем тонн
минеральный ӱяҥдышым налме, тидыже кодшо ий деч кок пачаш шукырак. Кызытеш ялозанлык технике 93 процентлан ямде.