Шоя уверым шаркалет – эрык деч посна кодат

Полиций пашаеҥ-влак шижтарат: кутырен келшыде, Россий Вооружённый Вийын действийже ваштареш виктаралтше пикетирований сынан акцийлашке ушнаш, РФ Вооружённый Вийым дискредитироватлыме информациян плакатым, лозунгым кучылташ, тыгай содержаний листовкылам шаркалаш ок лий.

Уке гын РФ КоАП-ын 20.3.3 статьяж почеш (Россий армийым элым, еҥ-влакын интересыштым аралымаште, тӱнямбалне тыныслыкым да лӱддымылыкым ыштымаште кучылтмым дискредитироватлыше публичный действий) еҥ-влаклан 100 тӱжем теҥге штрафым тӱлаш пуат, должностой лицалан – 300 тӱжем теҥгем, юридический лицалан – 1 миллион наре теҥгем.

РФ КоАП-ын 20.3.4 статьяж почеш (Россий, тудын гражданинже але Российысе юридический лица-влак шотышто ограничительный сынан мерым пурташ ӱжмаш) физический лицалан 50 тӱжем теҥге марте штрафым пуэн кертыт, должностной лицалан – 200 тӱжем теҥгем, юридический лицалан – 500 тӱжем теҥгем.

Соцкыллаште колышо, пленный-влак мыняр улмо, лӱйкалыме нерген публикацийым Минобороно але официальный СМИ могырым официально пеҥгыдемдыде савыктымаш шоя увер семын аклалт кертеш.

Тылеч посна 24 февраль деч вара савыктыме пост, комментарий ден репостланат мутым кучаш логалеш. Пост 5 март гычак уло калыклан коеш гын, тиде мутым кучаш шогалташ амаллан шотлалтеш.

Идалык мучко административно мутым кучаш перныше еҥ-влакым шоя информацийлан уголовно мут кучаш шогалтен кертыт. Эн кугу наказаний – эрык деч посна кодымаш.

РФ Уголовный кодексын 207.3 статьяж (РФ Вооружённый Вийым кучылтмо нерген шоя информацийым калык коклаш шаркалымаш) почеш эн шукыжо 15 ийлан эрык деч посна коден кертыт.