Тудо кажне ийын шошо теле пытыме, шошо толмо пагытыште толеш. Изинек йӧратыме пайремна- ӱй Арня. Тиде пайремын кажне кечыже чоннам куандарыше лийын. Ялысе калыкна тиде жапыште уна-влакым вашлийын, шкежат родо-шамычше деке унала коштын, ӱянн мелнам, туарам, шыл когыльым кочкын. Курык гыч мунчалтен. Пошкудо-влакше ден мурым мурен, куштен, жапым веселан эртарен. Чонешыже кужу жаплан поро шарнымашым коден.
