Шорсолаште шымше класс уке

Ирина Юрьевна Чемекова Кужэҥер район Шорсола школышто 16 ий пашам ышта, тушеч куд ий – директор.

Ӱмаште школышто 64 тунемше лийын, тений 47 йоча гына кодын. Тушеч коло йоча тӱҥалтыш класслаште да коло шымытын 5-9-ше класслаште тунемыт. Шымше класс тиде ийын йӧршын уке. Шукын Кужэҥер посёлкышто тунемыт. Нуным кажне кечын школ автобус шупшыкта.

Коллективыште латвич туныктышо пашам ышта. Нунын кокла гыч Почётный лӱман туныктышо-влакат улыт: Алевтина Максимовна Романчукова, Олег Романович Барабанщиков да Надежда Ивановна Глушкова.

Алиса Олеговна Иванова кокымшо ий директорын воспитательный паша шотышто алмаштышыжлан пашам ышта. Тудо школышто могай паша эртаралтме нерген мыланна ойлыш.

Ӱмаште школын икымше директоржо Анатолий Иванович Ильинлан пӧлеклалтше шарнымаш касым эртаренна. Ӱдыржӧ Мария Ильина (ГТРК-н вӱдышыжӧ) толын ыле. Пионер организацийымат огына мондо. Кодшо ийын ондакысе отряд-влакын вашлиймашышт эртаралтын. Кок гана тыгай вашлиймаш лийын. Тыгак Пионерий кечылан тулотым ыштенна. Мероприятий оҥайын эртен, кызытсе йоча-влак тыгай кече улмо да пионер-влак нерген шагалын палат. Тиде мероприятийыште пионер-влак нерген каласкаленна. Кызыт школыштына ик класс – посна отряд. Кажне отрядын лӱмжӧ, девизше, мурыжо улыт. Ондакысе семынак классный уголокым ямдылат. Класс-влак, таҥасен, мероприятий-влакым эртарат, – каласкалыш Алиса Олеговна.

Умбакыже 2019 ий 25 октябрьыште лекше газетыште (6-шо лаштыкыште) лудын кертыда.