«Шочмо йылме поезд» Озаҥысе метрошто 20 сентябрьыште кошташ тӱҥалын.
Тудо идалык мучаш марте кудалыштеш. Тушто куд вагон уло. Кӧргыштыжӧ тӱрлӧ этнический символым сӱретлыме. Пассажир-влак татар, руш, марий, чуваш, мордва, удмурт, грузин, узбек, азербайждан да моло йылме денат шомак-влакым тунем кертыт. Тыгак фотографироватлалташ зоно-влакым ыштыме. Тушто самырык Гадбулла Тукай дене снимкым ышташ да темлыме шомакла дене почеламутым сераш лиеш.
