Йошкар-Оласе самырык-влак полатыште Шочмо элым аралышын кечыжлан пӧлеклалтше оборонно-массовый да военно-патриотический паша месячникым пайремлын почыныт.
Тушко Йошкар-Оласе туныктымо тӧнежлаште тунемше ӱдыр-рвезе-влак, патриотический клуб ден ушем-влакын еҥышт, кадет-влак толыныт. Марий Элым Вуйлатыше Юрий Зайцев мероприятийым почмыж годым самырык-влакым патриотизм шӱлышеш кушташ кӱлмӧ нерген ойлен.
Месячник годым самырык-шамычлан военно-патриотический сынан тӱрлӧ мероприятий-влакым эртараш палемдыме: туныктымо тӧнежлаште тематический классный шагат-влак да патырлык урок-шамычым эртарат, патриотический шӱлышан фильм-влакым ончыктат, республикысе военно-патриотический клублаште да ушемлаште смотр-влак лийыт, ӱдыр-рвезе-шамыч тоштерлаш экскурсий дене лектын коштыт, боевой действий ветеран-влак дене вашлийыт.
Марий Элысе МВД-н архивше гыч налме фото.