Марий Элыште «Единый Российын» «Ребята нашего двора» партийный проектше почеш паша тӱҥалын. Тидын шотышто кундемна пилотный проектлан шотлалтеш.
Инициативылан келшышын, специальный военный операцийын ветеранже-влак да нунын ешышт шотышто шефствым «Единый Россий» партийын депутатше-влак налыт. Проектын икымше участникше-шамыч – «Герои Марий Эл. Талешке-влак» кадровый программын еҥже-шамыч. Верысе самоуправлений депутат-влак кеч-могай йодышым писын рашемдаш полшат. Республикысе министерстве ден ведомстве-влакын еҥыштат полышым пуат.
– Республикыштына ты проектым шыҥдарыме опыт вес регионлашкат кусна манын ӱшанем. Тыге Шочмо элым аралыше-влаклан полшымо системым чоҥена, – каласен Марий Элым Вуйлатыше Ю.Зайцев.
Марий Элым Вуйлатышын пресс-службыжын фотожо.