Кужэҥер районысо кокымшо номеран школ пырдыжыште Кугу Ачамланде сарын лӱмлӧ полководецше Георгий Жуковын портретшым «вераҥдыме». Ты сомылым Российысе Минпросвещений да «Единый Россий» партийын темлымашышт почеш шуктат. Нунын шонымашышт почеш, тунемме тӧнежласе пырдыж-влак шкешотан «Шарнымаш пырдыж» семын ончыкталтшаш улыт. Тушто элнан историйыште кугу кышам кодышо лӱмлӧ еҥ-влакын портретышт ден пырля биографийышт дене палдарат.