Шкешотан акций

Марий Элысе МВД пашаеҥже-влак ЙОШКАР-ОЛАШТЕ икмыняр пӧртын ончыл могырышт гыч наркотиклан кумылаҥдыше возымым кораҥденыт. Ты акцийышке рӱдӧоласе 10 №-ан школын тунемшыже-влак ушненыт. МВД каласкалымышт почеш, наркотикым ужалыше-влак пӧртын пырдыжше-влакым увертарымаш оҥа семын чӱчкыдын кучылтыт. Ведомствыште ушештарат, наркотик дене кылдалтше чыла паша законым пудртымылан шотлыман, ӱмыр мучко эрык деч посна кодымаш наказаният уло. Тыгай уда койышым ужын шуктышылан, МВД ушанле телефон номерышкыже (8362) 68-00-00 йыҥгыртен увертарыман.