Медведево районысо Краснооктябрьский школышто англичан йылмым туныктышо, директорын воспитатлыме паша шотышто алмаштышыже О.А.Павлова «Учитель здоровья России – 2024» конкурсышто сеҥен.
Конкурсым Санкт-Петербург олаште иктешленыт. Тушко 44 регион гыч 45 туныктышо ушнен. Кум кече жапыште жюри туныктышо-шамычын уроклан конспектым кузе ямдылымыштым, тудым кузе эртарымыштым шымлен. Тыгак «Мый – тазалыкын туныктышыжо» мастарлык презентацийым кузе ончыктымыштым терген. Ольга Александровна «За волю к победе» номинацийыште икымше лийын.