Марий Эл Республик Правительстве председательын икымше алмаштышыже Михаил Зиновьевич Васютин 30 сентябрь гыч шке кумылын паша гыч кая.
Ты шотышто указым Марий Элым Вуйлатыше Юрий Зайцев таче подписатлен.
М.Васютиным 1997 ийыште Марий Элысе тӱвыра, печать да калык-влакын пашашт шотышто министрлан шогалтыме. 2002 ий гыч Марий Эл Республикысе Правительстве Председательын алмаштышыже, тунамак министр сомылымат шукта. 2017 ий гыч — Марий Эл Республикысе Правительстве Председательын икымше алмаштышыже.
Тений сайлымаш годым Михаил Зиновьевич Республикысе Кугыжаныш Погыныш мандатым налын.