20-22 майыште Россий «Знание» мер организаций шинчымашым шаркалыме «Новое Знание» марафоным увертара. Марафон федеральный лиеш да кандаш олаште эртаралтеш – Москошто, Санкт-Петербургышто, Казаньыште, Угарманыште, Сочиште, Владивостокышто, Новосибирскыште, Калининградыште.
Чыла мероприятийым интернет-трансляций дене https://marathon.znanierussia.ru сайтыште ончаш лиеш. Тыге кажне кумылан еҥ марафоныш ушнен кертеш да у шинчымаш дене пойдаралт кертеш.
Марафоныш ушнышо кажне ола калыкым сотемдарыме пашан ик шӧрынжым ончыктышаш: тӱвыра да историй, спорт, шанче да технологий, индустрий да промышленность, информаций технологий. Мероприятийын программыштыже 100 утла дисскусий, лекций, интервью, почмо урок да мастер-класс-влакым пуртымо. Марафон годым Российын кӱлешан йодыш-влакым решатлымыже, кызытсе технологийже да проектлаж дене палдарат. Эллан тыгай кӱкшытыш шуаш полшышо еҥ-влак дене вашлиймаш-влакым эртарат.
Марафонышко 150 уста спикер Россий да йот элла гыч толыт. Чыланат нуно тӱрлӧ сферыште вӱдышӧ специалист улыт. Нунын кокла гыч – кинорежиссёр да продюсер Тимур Бекмамбетов, балет артист, педагог да Руш балет академийым вуйлатыше Николай Цискаридзе, шанчыеҥ, профессор Татьяна Черниговская, журналист Владимир Познер да тулеч молат.
Валентина Семёнова.