Пурыс росотам посна атылаш кусарен шындыме годым икымше гана ӱяндат. Тидлан комплексный ӱяҥдышым кучылтыт, минеральный составан (фосфор шукырак гын, сайрак) утларак келшен толеш.
- 10 кече гыч кокымшо ӱяҥдышым пуаш лиеш. Тыгодым азот ден фосфор эн тӱҥ да кӱлешан микроэлементлан шотлалтыт, садлан нине кок компонентан ӱяҥдышым налза.
- Пурыс росоталан «Сибирский великан», «Нитрофоска», «БонаФорте», «Универсальное» ӱяҥдыш-влак келшен толыт. Тушто азот, фосфор, калий деч посна кушкыллан йӧршӧ моло микроэлемент улыт. 5 литр вӱдлан 10 г ӱяҥдышым ешарыман.
- Ломыж вӱд пурыслан кӱлеш микроэлементлан: калийлан, кальцийлан да магнийлан – поян.
- Ик стакан ломыжым кок стакан шолшо вӱд дене варыза да ик сутка шинчыктыза. Вартышым шӱрен налза. Тыгай ӱяҥдыш росоталан кушкашыже полша да тӱрлӧ чер деч арала.
freepik сайт гыч налме фото.