1799 ий 24 сентябрьыште Кокымшо коалиций сар кайыме годым руш войска-влак Александр Суворовын вуйлатымыж почеш Швецарийысе курык гоч вончымо Сен-Готард верым геройла эртеныт. Салтак-шамыч Ройс эҥерын лопыштыжо руш да австрийысе войска-влак дене вашлийшаш лийыныт. Но нуным француз-шамыч пытареныт улмаш. Александр Суворовын войскаже-шамыч чыла могыр гычат тушман-влак дене авыралтыныт. Туге гынат Суворовын моштен вӱдымыж дене Муоталь эҥер воктене кугу кредалмаште 6 тӱжем наре французым пытареныт, 1200 наре салтакым пленыш налыныт.