Тений январь-октябрьыште Марий Элыште 3704 пачер ден частный пӧртлам чоҥеныт. Тидыже ӱмашсе тыгаяк жап дене таҥастарымаште 8,5%-лан шагалрак.
ИЖС-ым (индивидуальный жилищный строительстве) ончалаш гын, чылаже 223,4 тӱжем кв. метр кумдыкан 1608 илыме пӧртым чоҥымо. Тиде ӱмашсе деч 13,6%-лан шагалрак.
Тыгодым сад-пакчам кучымо мландыште 22,7 тӱжем кв. метр кумдыкан 296 илыме пӧртым чоҥымо, палдара Маристат.