Шӧртньӧ медальым сеҥеныт

Юл кундем федеральный округышто эртаралтше «КЭС-БАСКЕТ» чемпионатыште ӱдыр-влакын модмо Йошкар-Оласе баскетбол командыже Марий Эл Республикын чапшым арален да шӧртньӧ медаль ден суперфиналышке каяш путёвкым сеҥен налын.

Суперфинал 10-18 июльышто Киров олаште эртаралтеш.

Ты чемпионатын составшым рашемдыме. Мемнан командым «В» группышко пуртымо. Красноярскысе, Карелий Республикын Кондопога оласе, Забайкал кундемын Каларский районысо команде-влак дене таҥасаш тӱҥалыт.

Йошкар-Олан сборныйышко 26-шо №-ан гимназийыште, Бауман лицейыште, 1-ше №-ан школышто тунемше ӱдыр-влакым пуртымо.