Фигурный мунчалтымаш дене команде Российлан шӧртнӧ медальым конден. Таҥасымаште Россий команде 74 очком поген, США – 65 очком, Японий – 63 очком.
Олимпийский чемпион лийыныт: Марк Кондратюк (17 очко), Анастасия Мишина ден Александр Галлямов (19 очко), Виктория Синицина ден Никита Кацалапов (18 очко), тыгак Камила Валиева (20 балл ).
Ушештарена: ечызе Александр Большунов скиатлон ӱчашымаште икымше олимпийский шӧртньӧ медаль дене палемдалтын, а Денис Спицов кокымшо лийын. Анастасия Смирнова могул дисциплиныште кумшо верым налын.