Марий Турек районысо Нартас кыдалаш школын «Звезда» военно-патриотический клубын командыже 29 сентябрь гыч 3 октябрь марте «Победа» всероссийский военно-спортивный модмаште республикын чапшым арала. Ты модмаш Российысе Вооруженный Вийын военно-патриотический «Патриот» тӱвыра да каныме паркыште эртаралтеш. Тудо Моско областьыште верланен. «Звезда» командылан сеҥымашым тыланена.