19-21 апрельыште Марий Элысе калык усталык да культурканыш паша шотышто шанче-методик рӱдерыште «Марий Элын материальный огыл тӱвыра объектше-влак» семинар-практикум эртаралтын.
Тушко районысо методический рӱдер, фольклорно-этнографический ансамбль, клуб ден художественный вуйлатыше-влакым ӱжыныт.
Нунылан лекций, практике занятий-влак, «йыргешке ӱстел» лийыныт, материальный огыл тӱвыра объект да усталык коллектив-влакын пашашт нерген презентацийым ончыктеныт,
20 апрельыште семинарист-влак Волжский районышко миен коштыныт. Тушто Памар, Пызырьгуп, Сотнур тӱвыра пӧртлаште, тыгак Совет Ушем Герой З.Ф.Прохоров лӱмеш тоштер-пӧртыштӧ практике паша дене палыме лийыныт.