«Культура» нацпроект почеш республикысе Параньга посёлкысо йоча сымыктыш школыш у семӱзгар-влакым налыныт: ныл «Тула» баяным да кум «Kawai» пианином. Йоҥгалтме йӱкыштым икшыве-влак у тунемме ийыште колышт кертыт, шокташ тӱҥалыт.
Тыгак школышто технический базым уэмденыт: ноутбук ден интерактивный доскам налыныт.
Тений Марий Элысе сымыктыш школлаште материальный базым пойдараш 17 миллион утла теҥге ойыралтшаш.
Тӱвыра, печать да калык-влакын пашашт шотышто министерствын сайтше гыч налме фото.