14-16 мартыште Барнаулышто ялысе спорт модмашын XII телымсе таҥасымашын финалже лийын. Марий Элын командыже сеҥышыш лектын.
Ты таҥасымашын финалже Кугу Ачамланде сарыште сеҥымылан 80 ий теммылан пӧлеклалтын. Тушко элнан 37 регионжо гыч 552 спортсмен ушнен. Марий Элын командыже 250 тӱжем наре еҥан селаште илыше-влак тӱшкаште ойыртемалтын. Спортсмен-влак шахмат да шашке дене таҥасымашыште, тыгак спортивный еш, механизатор да ушкалым лӱштышӧ-влак коклаште вийыштым тергеныт. Спортивный еш таҥасымашыште Медведево район гыч Зуевмыт еш чылам ончылтен, а ты район гычак Матвей Смирнов элнан эн тале механизатор улмыжым уэш пеҥгыдемден.