1 Май пайрем кечын Россий президентын Юл кундем федеральный округысо полномочный представительжын темлыме «Мемнан Сеҥымаш кечына» (Наш День Победы) акцийыш Угарман кундем ушнен. Интернетыште акций нерген материал-влак #песнипобедыПФО #нашденьпобеды хештег дене шыҥдаралтыт.
Нижний Новгородышто Сеҥымаш мурым академический, джаз музыкант, фольклор коллектив, поп-мурызо-влак дене пырля губернский оркестрын артистше-влак, тыгак «Голос. Дети» шоун участникше-влак муреныт. Видеороликым элыштына мӧҥгыштӧ шинчыме режимым увертарыме марте Кремль, Чкаловлан памятник, «Герой» катер воктен ыштыме.
Сар ийлаште Угарман кундемыште икмыняр предприятийым ушышо военно-промышленный комплекс ышталтын. Тыште сухопутный войскалан, авиаций ден флотлан, оружий ден снаряженийым ыштеныт, взрывчаткым да реактивное топливо ямдыленыт. «Красное Сормово» завод фронтлан 12 тӱжем утла Т-34 танкым, 27 вӱдйымал пушым луктын. С. Орджоникидзе лӱмеш Горьковский авиационный заводышто элыштына лукмо чумыр истребитель кокла гыч кажне кумшыжо лач тыште ышталтын. Салтак-влакым арален кодаш манын, тысе калык вӱрым шуко сдатлен, 92 тӱжем утла литрым колтеныт.
Ушештарена: 8 май марте Юл кундем федеральный округысо чыла регионышто Сеҥымаш муро йоҥгалтеш. А 9 майыште марафон иктешлалтеш. «Мемнан Сеҥымашна («Наш День Победы») акцийыш Мордовий, Марий Эл, Удмуртий, Башкортостан, Самара область да Татарстан ушненыт. Нижегородская область деч вара эстафете в Пермь крайлан пуалтеш.
Сайт ден социальный сетьлаште проект нерген #нашденьпобеды, #песнипобедыПФО хештег гоч пален налаш лиеш.