«Единый Россий» ден «Ростелеком» «Сеҥымаш диктантлан» ямдылалтме курсым темлат.
25 апрельыште «Единый Россий» «Сеҥымаш диктантлан» тӱнямбал акцийым Россий мучко да 80 элыште эртара. Минобрнауко тидлан элысе университетла ден нунын йотэлласе филиаллаштышт площадке-влакым ямдыла. Икымше гана тестым возымашке «Защитники Отечества» фонд ушна – тудым эртарыме площадке-влак регионысо филиалыштышт лийыт.
«Ростелеком. Лицей» образовательный платформо полшымо дене Кугу Ачамланде сар нерген шинчымашым тергаш йӧн пуалтеш. Материал-шамыч дене 11 март гыч 15 май марте чыла кумылан-влак пайдаланен кертыт. Акцийлан сайын ямдылалташ «Сеҥымаш Диктант» лӱмын ыштыме раздел полша.
Платформышто Российысе военно-исторический обществе деч Кугу Ачамланде сар нерген видеокурс ончыкталтеш. Тушто диктантын кажне темыже почеш конспект ден тест-влак, тыгак кодшо ийласе вич пробный вариант вераҥдалтыныт.
2024 ийыште историй тестым кандаш йылмыш кусареныт: англичан, француз, испан, поляк, серб, монгол, китай да грек. Онлайн-версийымат келыштареныт — тудо диктантпобеды.рф. сайтыште англичан да китай йылмыла дене уло.