7-18 февральыште Марий Элыште полиций да Росгвардий пашаеҥ-влак «Арсенал» оперативно-профилактический мероприятийым эртарат.
Закондымын аралыме саркуралым тиде жапыште сдатлыше еҥ-влак мутым уголовно кучаш огыт тӱҥал.
Марий Эл Республикысе Правительствын 2019 ий 1 апрельыште лукмо 89-ше No-ан пунчалжылан келшышын, закондымын аралыме саркуралым, боеприпасым да пудешталт кертше веществам сдатлымылан граждан-влаклан оксам тӱлат.
Саркуралым шке кумылын сдатлыше еҥ-влаклан Росгвардийын Марий Элысе управленийышкыже (Йошкар-Ола, Комсомольский урем, 135-ше No-ан пӧрт) мийыман. Пелен паспортым налман. Лекше йодышым рашемдаш телефон-влак: 8(8362) 45-24-45, 45-16-46, 42-95-61.
Марий Элысе МВД шижтара: саркуралым, тудын ужашыжым, боеприпасым, пудешталт кертше веществам да устройствым закондымын налмылан, весылан пуымылан, ужалымылан, аралымылан да пелен коштыктымылан уголовно мут кучаш шогалтат, тидлан 4 ий марте эрык деч посна коден кертыт.