19 августышто Республикысе калык усталык рӱдерын пашаеҥже Максим Алгайкин да йолташыже-влак Морко район Красный Стекловар интернат-пӧртыштӧ шкешотан концертым ончыктен.
Тушто илыше-влаклан марий, татар да руш йылмыла дене муро ден такмак-влакым йоҥгалтареныт. Никита Козлов ден Родион Ефремов гармонь дене шоктеныт, Максим Алгайкин, Данила Коротков, Ангелина Ирбулдина, Анна Ишимова муреныт. Тыгай вашлиймаш интернат-пӧртын пашаеҥже ден тушто илыше-влаклан моткоч келшен.