25 июльышто Марий Эл гыч самырык чодыра пашаеҥ-влак Татарстанысе Лубянский лесотехнический колледж пелен эртыше «Сохраним лес вместе» школ лесничестве-влакын слётыштышт шке республикыштым сайын ончыктеныт.
Форум чылаже 200 участникым чумырен. Слётышто Татарстанысе районла гыч 31 команде, тыгак Томск область, Марий Эл да Чуваший гыч уна-влак лийыныт.
Организатор-влак «Самырык чодыра пашаеҥ-влак» конкурсым, мастер-класс да туныктымо программе-шамычым ямдыленыт.
Марий Эл Республикын чапшым Морко район Унчо гыч школ лесничествын тунемшыже-влак вуйлатышышт З.К.Митрофанова дене пырля араленыт. Нуно слётын чыла этапыштыже шкеныштым чаплын ончыктеныт.
Унчо школын ВК-се тӱшкаж гыч налме фото-влак.