Салтакын медальонжо

20 январьыште МарГУ-со «Воскресение» студенческий поисковый отрядын еҥже-влак Йошкар армий салтак Андрей Никитинын «смертный» медальонжым родо-тукымжылан кучыктеныт.

Андрей Семёнович Никитиным 1941 ийыште армий радамышкыже налыныт. Тудо Великий Новгород верч бойышто 1004-ше стрелковый полкысо, 5-ше ротын, 2-шо взводыштыжо кредалын.

1941 ий 29 январьыште салтак пытартыш серышым возен. Тылеч вара тудо увер деч посна йомшылан шотлалтын.

2019 ийыште кеҥежым «Демянск» поисковый отряд Угарман кундем Демянский район Алешонка ял воктене РККА салтак-влакын лулегыштым муын. Нунын кокла гыч иктыжын лӱмжым пален налаш аралалт кодшо «смертный» медальонжо полшен.

2020 ийыште шошым колышо-влакын лулегыштым Угарман кундем Игожево ял воктенысе иза-шольо шӱгарлаште тоеныт.

Медальоным салтакын родо-тукымжылан кучыктеныт. Торжественный церемонийыште МарГУ-н ректоржо Михаил Швецов, республикысе молодёжный политике, спорт да туризм министр Лидия Батюкова, «Воскресение» СПО-н вуйлатышыже Пётр Бусыгин да салтакын уныкаже-влак лийыныт.

Интернет гыч налме фото.